രാമായണം/സുന്ദരകാണ്ഡം/അധ്യായം8

                            രാമായണം, സുന്ദരകാണ്ഡം
                            രചന:വാൽമീകി
                            അധ്യായം 8 
                            (പുഷ്പക വിമാനവർണ്ണന)

    1
    സ തസ്യ മദ്ധ്യേ ഭവനസ്യ സംസ്ഥിതം 
    മഹദ്വിമാനം മണിവജ്രചിത്രിതം  
    പ്രതപ്തജജാംബൂനദ ജാലകൃത്രിമം 
    ദദർശ വീരഃ പവനാത്മജഃ കപിഃ 
    2
    തദപ്രമേയാ പ്രതികാരകൃത്രിമം 
    കൃതം സ്വയം സാധ്വിതി വിശ്വകർമ്മണാഃ 
    ദിവം ഗതം വായുപഥപ്രതിഷ്ഠി തം 
    വ്യരാജതാദിത്യപഥസ്യ ലക്ഷ്മിവത് 
    3
    ന തത്ര കിഞ്ചിന്ന കൃതം പ്രയത്ന്നതോ 
    ന തത്ര കിഞ്ചിന്ന മഹാർഹ രത്_നവത് 
    ന തേ വിശേഷാ നിയതാഃസുരേഷ്വപി 
    ന തത്ര കിഞ്ചിന്ന മഹാവിശേഷവത് 
    4
    തപസ്സമാധാനപരാക്രമാർജ്ജിതം 
    മനസ്സമാധാന വിചാരചാരിണം
    അനേകസംസ്ഥാന വിശേഷനിർമ്മിതം 
    തതസ്തത സ്തുല്യ വിശേഷദർശനം  
    5
    വിശേഷമാലംബ്യ വിശേഷസംസ്ഥിതം 
    വിചിത്രകൂടം ബഹുകൂടമണ്ഡിതം 
    മനോഽഭിരാമം ശരദിന്ദുനിർമ്മലം 
    വിചിത്രകൂടം ശിഖരംഗിരേര്യഥാ 
    6
    വഹന്തി യം കുണ്ഡലശോഭിതാനനാഃ 
    മഹാശനാ വ്യോമചരാ നിശാചരാഃ 
    വിവൃത്തവിധ്വസ്ത്ത വിശാലലോചനാഃ 
    മഹാജവാ ഭൂതഗണാഃ സഹസ്രശഃ 
    7
    വസന്തപുഷ്പോത് കര ചാരുദർശനം 
    വസന്തമാസാദപി കാന്തദർശനം 
    സ പുഷ്പകം തത്ര വിമാനമുത്തമം 
    ദദർശ തദ്വാനരവീര സത്തമഃ 

ഇതി ശ്രീമദ് രാമായണേ ആദികാവ്യേ സുന്ദരകാണ്ഡേ അഷ്ടമഃ സർഗ്ഗഃ