സുന്ദര രക്ഷകനെ
| സുന്ദര രക്ഷകനേ! രചന: |
പല്ലവി
സുന്ദര രക്ഷകനേ! എനിക്കാനന്ദ കാരണനേ!
ഇന്നലെയുമിന്നുമെന്നുമനന്യനേ! വന്ദനം വന്ദനമേ
ചരണങ്ങൾ
രാജാധിരാജാവു നീ എന്നും കർത്താധികർത്താവു നീ
ഉന്നതദേവാ! നീയെന്നെയും സ്നേഹിച്ചതത്ഭുതമത്ഭുതമേ
ശാരോനിലെ റോസ നീ എനിക്കാരോമൽ സ്നേഹിതൻ നീ
എന്മേൽ വിരിച്ച നിൻ സ്നേഹക്കൊടിക്കീഴി-ലെന്നുമെൻ വിശ്രാമമേ
ആദിയുമന്തവും നീ പാപവ്യാധിക്കു വൈദ്യനും നീ
നീതിയിൻ സൂര്യനും യൂദയിൻ സിംഹവും സർവ്വവും നീ പരനേ!
മുന്നേയിരുന്നവൻ നീ മാറാതെന്നുമിരിപ്പവൻ നീ
വന്നവൻ നീയേ, വരാനുള്ളവൻ നീയേ വന്ദിതവല്ലഭനേ!