അഞ്ജനശ്രീധര

അഞ്ജനശ്രീധര രചന:പൂന്താനം നമ്പൂതിരി അഞ്ജനശ്രീധര

അഞ്ജനശ്രീധരാ ചാരുമൂർത്തേ കൃഷ്ണ
അഞ്ജലികൂപ്പി വണങ്ങിടുന്നേൻ
അനന്യാലങ്കാര വാസുദേവാ കൃഷ്ണ അങ്ങനെ
കൃഷ്ണാ ഹരേ ജയ കൃഷ്ണാ ഹരേ ജയ
കൃഷ്ണാ ഹരേ ജയ കൈതൊഴുന്നേൻ

ആനന്ദാലങ്കാരാ വാസുദേവാ കൃഷ്ണാ
ആതങ്കമെല്ലാം അകറ്റിടണേ
       കൃഷ്ണാ

ഇന്ദിരാനാഥാ ജഗന്നിവാസാ കൃഷ്ണാ
ഇന്നെന്റെ മുന്നി/മ്പിൽ വിളങ്ങിടണേ
       കൃഷ്ണാ

ഈരേഴുലകിനും ഏകനാഥാ കൃഷ്ണാ
ഈരഞ്ചുദിക്കും നിറഞ്ഞ രൂപാ
       കൃഷ്ണാ

ഉണ്ണിഗോപാലാ കമലനേത്രാ കൃഷ്ണാ
ഉള്ളത്തിൽ വന്നു വിളങ്ങിടനേ/ ഉള്ളിൽ നീ വന്നു വിളങ്ങീടേണേ
       കൃഷ്ണാ

ഊഴിയിൽ വന്നു പിറന്ന നാഥാ കൃഷ്ണാ
ഊനം കൂടാതെന്നെ പാലിക്കണേ/ കൂടാതെ തുണച്ചിടേണേ
       കൃഷ്ണാ

എന്നുള്ളിലുള്ളൊരു താപമെല്ലാം കൃഷ്ണാ
എന്നുണ്ണി ഗോപാലാ നീക്കിടണേ/എന്നുണ്ണിക്കൃഷ്ണാ ശമിപ്പിക്കണേ
       കൃഷ്ണാ

ഏടലർ ബാണനു തുല്യമൂർത്തേ കൃഷ്ണാ
ഏറിയ മോദാലനുഗ്രഹിക്ക /മോദേന കൈതൊഴുന്നേൻ
       കൃഷ്ണാ

ഐഹികമായ സുഖത്തിലഹോ കൃഷ്ണാ
ഐയോ എനിക്കൊരു മോഹമില്ലേ
       കൃഷ്ണാ

ഒട്ടല്ല കൌതുകം അന്തരംഗേ കൃഷ്ണാ
ഓമൽ തിരുമേനി ശോഭ/ഭംഗി കാണാൻ
       കൃഷ്ണാ

ഓടക്കുഴൽവിളി മേളമോടെ കൃഷ്ണാ
ഓടിവരികെന്റെ ഗോപബാലാ
       കൃഷ്ണാ

ഔദാര്യകോമളാ കേളിശീലാ കൃഷ്ണാ
ഔപമ്യമില്ല ഗുണങ്ങൾക്കേതും
       കൃഷ്ണാ

അംബുജ ലോചന നിൻ പാദപങ്കജം
അമ്പോടു ഞാനിതാ കുമ്പിടുന്നേൻ
       കൃഷ്ണാ

അത്യന്തസുന്ദരാ നന്ദസൂനോ കൃഷ്ണാ
അത്തൽ കളഞ്ഞെന്നെപ്പാലിക്കണേ
       കൃഷ്ണാ

കൃഷ്ണാ മുകിൽവർണ്ണാ വൃഷ്ണികുലേശ്വരാ
കൃഷ്ണാംബുജേക്ഷണാ കൈതൊഴുന്നേൻ
       കൃഷ്ണാ

കൃഷ്ണാ ഹരേ ജയ കൃഷ്ണാ ഹരേ ജയ
കൃഷ്ണാ ഹരേ ജയ കൃഷ്ണാ ഹരേ