തിരഞ്ഞെടുത്ത ഹദീസുകൾ/നബി(സ) പേരിൽ സ്വലാത്ത് ചൊല്ലൽ
- അബ്ദുല്ല(റ)യിൽ നിന്ന്‌ നിവേദനം: നബി(സ) പറയുന്നത്‌ അദ്ദേഹം കേട്ടിട്ടുണ്ട്‌. എന്റെ പേരിൽവല്ലവനും സ്വലാത്ത് ചൊല്ലിയാൽ അല്ലാഹു അവനെ പത്ത്‌ പ്രാവശ്യം അനുഗ്രഹിക്കും. (മുസ്ലിം)
- ഇബ്നുമസ്‌ഊടി(റ)ൽ നിന്ന്‌ നിവേദനം: റസൂൽ(സ) പ്രഖ്യാപിച്ചു: അന്ത്യദിനത്തിൽ ജനങ്ങളിൽനിന്ന്‌ എന്നോട്‌ ഏറ്റവും അടുത്തവൻ എന്റെ പേരിൽ ഏറ്റവും കൂടുതൽ സ്വലാത്ത്ചൊല്ലിയവനാണ്‌. (തിർമിദി)
- ഔസി(റ)ൽ നിന്ന്‌ നിവേദനം: റസൂൽ(സ) പറഞ്ഞു: ദിവസങ്ങളിലുത്തമം വെള്ളിയാഴ്ചദിവസമാണ്‌. അതുകൊണ്ട്‌ നിങ്ങളാ ദിവസത്തിൽ എന്റേ പേരിൽ ധാരാളം സ്വലാത്ത് ചൊല്ലുക.(അത്‌ ഏറ്റവും വലിയ സൽക്കർമ്മമാണ്‌) . നിശ്ചയം നിങ്ങളുടെ സ്വലാത്ത് എന്റെ മുമ്പിൽ വെളിവാക്കപ്പെടും. (സ്വന്തമായോ മലക്കുകൾ വഴിയോ ഞാനത്‌ കേൾക്കും.) സഹാബാക്കൾചോദിച്ചു: പ്രവാചകരേ! അങ്ങ്‌ മണ്ണായിപ്പോയിരിക്കെ ഞങ്ങളുടെ സ്വലാത്ത് അങ്ങക്ക്‌ എങ്ങനെവെളിവാക്കപ്പെടും. റാവി പറഞ്ഞു. അവരതിന്‌ ബലൈത്‌ എന്നാണ്‌ വ്യാഖ്യാനിച്ചിട്ടുള്ളത്‌. അവിടുൻന്മറുപടി പറഞ്ഞു. നിശ്ചയം അല്ലാഹു നബിമാരുടെ ശരീരങ്ങൾ ഭൂമിക്ക്‌ നിഷിദ്ധമായിരിക്കുന്നു. (ഭൂമിഅവയെ നശിപ്പിക്കുകയോ ദഹിപ്പിക്കുകയോ ചെയ്യുകയില്ല. അവരെന്നും തങ്ങളുടെ ഖബറുകളിൽജീവിച്ചിരിക്കുന്നവരാണ്‌.) (അബൂദാവൂട്‌)
- അബൂഹുറയ്‌റ(റ)യിൽ നിന്ന്‌ നിവേദനം: റസൂൽ(സ) പറഞ്ഞു: എന്നെപ്പറ്റി പറയപ്പെടുകയുംഅനന്തരം എന്റെ പേരിൽ സ്വലാത്ത് ചൊല്ലാതിരിക്കുകയും ചെയ്തവന്റെ മൂക്ക്‌ മണ്ണോട്‌ ചേരട്ടെ!(നി?്യനും നിസ്സാരനുമാകട്ടെ.) (തിർമിദി)
- അബൂഹുറയ്‌റ(റ)യിൽ നിന്ന്‌ നിവേദനം: എന്റെ ഖബർ നിങ്ങൾ ആഘോഷസ്ഥലമാക്കരുത്‌. മറിച്ച്‌,നിങ്ങളെനിക്ക്‌ സ്വലാത്ത് ചൊല്ലണം. നിങ്ങൾ എവിടെയായിരുന്നാലും നിങ്ങളുടെസ്വലാത്ത്‌എനിക്കെത്തും. (അബൂദാവൂട്‌)
- അബൂഹുറയ്‌റ(റ)യിൽ നിന്ന്‌ നിവേദനം: റസൂൽ(സ) അരുൾ ചെയ്തു: എന്റെ പേരിൽ ആരുംസലാം ചൊല്ലുകയില്ല-എന്റെ റൂഹ്‌ എനിക്ക്‌ അല്ലാഹു മടക്കിത്തരികയും ഞാൻ സലാം മടക്കുകയുംചെയ്തിട്ടല്ലാതെ. (അബൂദാവൂട്‌)
- അലി(റ)യിൽ നിന്ന്‌ നിവേദനം: റസൂൽ(സ) അരുൾ ചെയ്തു: എന്നെപ്പറ്റി പറയപ്പെടുകയും എന്റെപേരിൽ സ്വലാത്ത് ചൊല്ലാതിരിക്കുകയും ചെയ്തവനാണ്‌ സത്യത്തിൽ ലുബ്ധൻ. (തനിക്ക്നിർബന്ധമായ സ്വലാത്ത് ചൊല്ലിക്കൊണ്ട്‌ ബാദ്ധ്യത നിറവേറ്റാത്തതുമൂലം തനിക്ക്‌ ലഭിക്കേണ്ടമഹത്തായ നേട്ടങ്ങൾ പലതും അവന്‌ കിട്ടാതെ വരും.) (തിർമിദി)
- ഫളാലത്തി(റ)ൽ നിന്ന്‌ നിവേദനം: അല്ലാഹുവിനെ സ്തുതിക്കുകയോ നബി(സ)യുടെ പേരിൽസ്വലാത്ത്‌ ചൊല്ലുകയോ ചെയ്യാതെ നമസ്കാരത്തിൽ പ്രാർത്ഥിക്കുന്ന ഒരാളെ നബി(സ) കേട്ടു.അന്നേരം റസൂൽ(സ) പറഞ്ഞു: ഇവൻ (പ്രാർത്ഥനക്ക്‌ മുമ്പ്‌ ഹംദും സ്വലാത്തും കൊണ്ടുവരാതെ)ബദ്ധപ്പാട്‌ കാണിച്ചു. പിന്നീട്‌ അവിടുന്ന്‌ അയാളെ വിളിച്ചിട്ട്‌ അവനോടും മറ്റുള്ളവരോടും പറഞ്ഞു:നിങ്ങളിലാരെങ്കിലും പ്രാർത്ഥിക്കുകയാണെങ്കിൽ തന്റെ റബ്ബിനെ ആദ്യമായിശത്തുതിക്കുകയുംനബി(സ)യുടെ പേരിൽ സ്വലാത്ത് ചൊല്ലുകയും ചെയ്തുകൊള്ളട്ടെ. എന്നിട്ടായിരിക്കണം അവൻപ്രാർത്ഥിക്കേണ്ടത്‌. (അബൂദാവൂട്‌, തിർമിദി)അബൂമസ്‌ഊടി(റ)ൽ നിന്ന്‌ നിവേദനം: ഒരിക്കൽ ഞങ്ങൾ സഅ‍്ദുബിൻ ഉബാദ(റ)യുടെസദസ്സിലിരിക്കെ റസൂൽ(സ) ഞങ്ങളുടെ അടുത്ത്‌ വന്നു. തദവസരം ബഷീർ പറഞ്ഞു: പ്രവാചകരേ!അങ്ങയ്ക്ക്‌ സ്വലാത്ത് ചൊല്ലാൻ അല്ലാഹു ഞങ്ങളോട്‌ ആജ്ഞാപിച്ചിരിക്കുന്നു. ഞങ്ങൾ എങ്ങനെസ്വലാത്ത്‌ ചൊല്ലണം. റസൂൽ(സ) മൗനം ദീക്ഷിച്ചു. അദ്ദേഹം അത്‌ ചോദിച്ചില്ലായിരുന്നുവേങ്കിൽ!എന്ന്‌ ഞങ്ങൾ ആഗ്രഹിച്ചുപോയി. പിന്നീട്‌ അവിടുന്ന്‌ പറഞ്ഞു: നിങ്ങൾ ഇപ്രകാരം പറയൂ:അല്ലാഹുവേ! ഇബ്രാഹീം (അ) മൈൻ നീ അനുഗ്രഹിച്ചതുപോലെ മുഹമ്മദി(സ) നെയുംകുടുംബത്തെയും നീ അനുഗ്രഹിക്കുകയും ഇബ്രാഹീം (അ) കുടുംബത്തിന്‌ നീ അഭിവൃദ്ധിനൽകിയതുപോലെ മുഹമ്മദി(സ) നും കുടുംബത്തിനും നീ അഭിവൃദ്ധി നൽകുകയും ചെയ്യേണമെ.നിശ്ചയം നീ സ്തുത്യർഹനും ഉന്നതനുമാണ്‌. സലാമ്‌ നിങ്ങൾക്ക്‌ അറിയാം. (മുസ്ലിം)