പ്രശ്നോത്തരരത്നമാലിക
| പ്രശ്നോത്തരരത്നമാലിക രചന: |
പ്രശ്നോത്തരരത്നമാലിക
തിരുത്തുക
- കഃ ഖലു നാലങ്ക്രിയതേ ദൃഷ്ടാദൃഷ്ടാർഥസാധനപടീയാൻ
- അമുയാ കണ്ഠസ്ഥിതയാ പ്രശ്നോത്തരരത്നമാലികയാ 1
- ഭഗവൻ കിമുപാദേയം ഗുരുവചനം ഹേയമപി കിമകാര്യം
- കോ ഗുരുഃ അധിഗതതത്ത്വഃ ശിഷ്യഹിതായോദ്യതഃ സതതം 2
- ത്വരിതം കിം കർതവ്യം വിദുഷാം സംസാരസന്തതിച്ഛേദഃ
- കിം മോക്ഷതരോർബീജം സമ്യക്ജ്ഞാനം ക്രിയാസിദ്ധം 3
- കഃ പഥ്യതരോ ധർമഃ കഃ ശുചിരിഹ യസ്യ മാനസം ശുദ്ധം
- കഃ പണ്ഡിതോ വിവേകീ കിം വിഷമവധീരണാ ഗുരുഷു 4
- കിം സംസാരേ സാരം ബഹുശോƒ പി വിചിന്ത്യമാനമിദമേവ
- കിം മനുജേഷ്വിഷ്ടതമം സ്വപരഹിതായോദ്യതം ജന്മ 5
- മദിരേവ മോഹജനകഃ കഃ സ്നേഹഃ കേ ച ദസ്യവോ വിഷയാഃ
- കാ ഭവവല്ലി തൃഷ്ണാ കോ വൈരീ യസ്ത്വനുദ്യോഗഃ 6
- കസ്മാദ്ഭയമിഹ മരണാദന്ധാദിഹ കോ വിശിഷ്യതേ രാഗീ
- കഃ ശൂരോ യോ ലലനാലോചനബാണൈർന ച വ്യധിതഃ 7
- പാന്തും കർണാഞ്ജലിഭിഃ കിമമൃതമിഹ യുജ്യതേ സദുപദേശഃ
- കിം ഗുരുതായാ മൂലം യദേതദപ്രാർഥനം നാമ 8
- കിം ഗഹനം സ്ത്രീചരിതം കശ്ചതുരോ യോ ന ഖണ്ഡിതസ്തേന
- കിം ദുഃഖം അസന്തോഷഃ കിം ലാഘവമധമതോ യാച്ഞാ 9
- കിം ജീവിതമനവദ്യം കിം ജാഡ്യം പാഠതോƒ പ്യനഭ്യാസഃ
- കോ ജാഗർതി വിവേകീ കോ നിദ്രാ മൂഢതാ ജന്തോഃ 10
- നലിനീദലഗതജലവത്തരലം കിം യൗവനം ധനം ചായുഃ
- കഥയ പുനഃ കേ ശശിനഃ കിരണസമാഃ സജ്ജനാ ഏവ 11
- കോ നരകഃ പരവശതാ കിം സൗഖ്യം സർവസംഗവിരതിര്യാ
- കിം സത്യം ഭൂതഹിതം പ്രിയം ച കിം പ്രാണിനാമസവഃ 12
- കോƒ നർഥഫലോ മാനഃ കാ സുഖദാ സാധുജനമൈത്രീ
- സർവവ്യസനവിനാശേ കോ ദക്ഷഃ സർവഥാ ത്യാഗീ 13
- കിം മരണം മൂർഖത്വം കിം ചാനർഘം യദവസരേ ദത്തം
- ആമരണാത് കിം ശല്യം പ്രച്ഛന്നം യത്കൃതം പാപം 14
- കുത്ര വിധേയോ യത്നോ വിദ്യാഭ്യാസേ സദൗഷധേ ദാനേ
- അവധീരണാ ക്വ കാര്യാ ഖലപരയോഷിത്പരധനേഷു 15
- കാഹർനിശമനുചിന്ത്യാ സംസാരാസാരതാ ന തു പ്രമദാ
- കാ പ്രേയസീ വിധേയാ കരണാ ദീനേഷു സജ്ജനേ മൈത്രീ 16
- കണ്ഠഗതൈരപ്യസുഭിഃ കസ്യ ഹ്യാത്മാ ന ശക്യതേ ജേതും
- മൂർഖസ്യ ശങ്കിതസ്യ ച വിഷാദിനോ വാ കൃതഘ്നസ്യ 17
- കഃ സാധുഃ സദവൃത്തഃ കമധമമാചക്ഷതേ ത്വസദ്വൃത്തം
- കേന ജിതം ജഗദേതത്സത്യതിതിക്ഷാവതാ പുംസാ 18
- കസ്മൈ നമാംസി ദേവാഃ കുർവന്തി ദയാപ്രധാനായ
- കസ്മാദുദ്വേഗഃ സ്യാത്സംസാരാരണ്യതഃ സുധിയഃ 19
- കസ്യ വശേ പ്രാണിഗണഃ സത്യപ്രിയഭാഷിണോ വിനീതസ്യ
- ക്വ സ്ഥാതവ്യം ന്യായ്യേ പഥി ദൃഷ്ടാദൃഷ്ടലാഭാഢ്യേ 20
- കോƒ ന്ധോ യോƒ കര്യരതഃ കോ ബധിരോ യോ ഹിതാനി ന ശൃണോതി
- കോ മൂകോ യഃ കാലേ പ്രിയാണി വക്തും ന ജാനാതി 21
- കിം ദാനമനാകാങ്ക്ഷം കിം മിത്രം യോ നിവാരയതി പാപാത്
- കോƒ ലങ്കാരഃ ശീലം കിം വാചാം മണ്ഡനം സത്യം 22
- വിദ്യുദ്വിലസിതചപലം കിം ദുർജനസംഗതിര്യുവതയശ്ച
- കുലശീലനിഷ്പ്രകമ്പാഃ കേ കലികാലേƒ പി സജ്ജനാ ഏവ 23
- ചിന്താമണിരിവ ദുർലഭമിഹ കിം കഥയാമി തച്ചതുർഭദ്രം
- കിം തദ്വദന്തി ഭൂയോ വിധുതതമസാ വിശേഷേണ 24
- ദാനം പ്രിയവാക്സഹിതം ജ്ഞാനമഗർവം ക്ഷമാന്വിതം ശൗര്യം
- വിത്തം ത്യാഗസമേതം ദുർലഭമേതച്ചതുർഭദ്രം 25
- കിം ശോച്യം കാർപണ്യം സതി വിഭവേ കിം പ്രശസ്തമൗദാര്യം
- കഃ പൂജ്യോ വിദ്വദ്ഭിഃ സ്വഭാവതഃ സർവദാ വിനീതോ യഃ 26
- കഃ കുലകമലദിനേശഃ സതി ഗുണാവിഭവേƒ പി യോ നമ്രഃ
- കസ്യ വശേ ജഗദേതത്പ്രിയഹിതവചനസ്യധർമനിരതസ്യ 27
- വിദ്വന്മനോഹരാ കാ സത്കവിതാ ബോധവനിതാ ച
- കം ന സ്പൃശതി വിപത്തിഃ പ്രവൃദ്ധവചനാനുവർതിനം ദാന്തം 28
- കസ്മൈ സ്പൃഹയതി കമലാ ത്വനലസചിത്തായ നീതിവൃത്തായ
- ത്യജതി ച കം സഹസാ ദ്വിജഗുരുസുരനിന്ദാകരം ച സാലസ്യം 29
- കുത്ര വിധേയോ വാസഃ സജ്ജനനികടേƒ ഥവാ കാശ്യാം
- കഃ പരിഹാര്യോ ദേശഃ പിശുനയുതോ ലുബ്ധഭൂപശ്ച 30
- കേനാശോച്യഃ പുരുഷഃ പ്രണതകലത്രേണ ധീരവിഭവേന
- ഇഹ ഭുവനേ കഃ ശോച്യഃ സത്യപി വിഭവേ ന യോ ദാതാ 31
- കിം ലഘുതായാ മൂലം പ്രാകൃതപുരുഷേഷു യാ യാച്ഞാ
- രാമാദപി കഃ ശൂരഃ സ്മരശരനിഹതോ ന യശ്ചലതി 32
- കിമഹർനിശമനുചിന്ത്യം ഭഗവച്ചരണം ന സംസാരഃ
- ചക്ഷുഷ്മന്തോƒ പ്യന്ധാഃ കേ സ്യുഃ യേ നാസ്തികാ മനുജാഃ 33
- കഃ പംഗുരിഹ പ്രഥിതോ വ്രജതി ച യോ വാർദ്ധകേ തീർഥം
- കിം തീർഥമപി ച മുഖ്യം ചിത്തമലം യന്നിവർതയതി 34
- കിം സ്മർത്തവ്യം പുരുഷൈഃ ഹരിനാമ സദാ ന യാവനീ ഭാഷാ
- കോ ഹി ന വാച്യഃ സുധിയാ പരദോഷശ്ചാനൃതം തദ്വത് 35
- കിം സമ്പാദ്യം മനുജൈഃ വിദ്യാ വിത്തം ബലം യശഃ പുണ്യം
- കഃ സർവഗുണവിനാശീ ലോഭഃ ശത്രുശ്ച കഃ കാമഃ 36
- കാ ച സഭാ പരിഹാര്യാ ഹീനാ യാ വൃദ്ധസചിവേന
- ഇഹ കുത്രാവഹിതഃ സ്യാന്മനുജഃ കില രാജസേവായാം 37
- പ്രാണാദപി കോ രമ്യഃ കുലധർമഃ സാധുസംഗശ്ച
- കാ സംരക്ഷ്യാ കീർതിഃ പതിവ്രതാ നൈജബുദ്ധിശ്ച 38
- കാ കൽപലതാ ലോകേ സച്ഛിഷ്യായാർപിതാ വിദ്യാ
- കോƒ ക്ഷയവടവൃക്ഷഃ സ്യാത്വിധിവത്സത്പാത്രദത്തദാനം യത് 39
- കിം ശസ്ത്രം സർവേഷാം യുക്തിഃ മാതാ ച കാ ധേനുഃ
- കിം നു ബലം യദ്ധൈര്യം കോ മൃത്യുഃ യദവധാനരഹിതത്വം 40
- കുത്ര വിഷം ദുഷ്ടജനേ കിമിഹാശൗചം ഭവേതൃണം നൃണാം
- കിമഭയമിഹ വൈരാമ്യം ഭയമപി കിം വിത്തമേവ സർവേഷാം 41
- കാ ദുർലഭാ നരാണാം ഹരിഭക്തിഃ പാതകം ച കിം ഹിംസാ
- കോ ഹി ഭഗവത്പ്രിയഃ സ്യാത്യോƒ ന്യം നോദ്വേജയേദനുദ്വിഗ്നഃ 42
- കസ്മാത് സിദ്ധിഃ തപസഃ ബുദ്ധിഃ ക്വ നു ഭൂസുരേ കുതോ ബുദ്ധിഃ
- വൃദ്ധോപസേവയാ കേ വൃദ്ധാ യേ ധർമതത്ത്വജ്ഞാഃ 43
- സംഭാവിതസ്യ മരണാദധികം കിം ദുര്യശോ ഭവതി
- ലോകേ സുഖീ ഭവേത്കോ ധനവാന്ധനമപി ച കിം യതശ്ചേഷ്ടം 44
- സർവസുഖാനാം ബീജം കിം പുണ്യം ദുഃഖമപി കുതഃ പാപാത്
- കസ്യൈശ്വര്യം യഃ കില ശങ്കരമാരാധയേദ്ഭക്ത്യാ 45
- കോ വർദ്ധതേ വിനീതഃ കോ വാ ഹീയേത യോ ദൃപ്തഃ
- കോ ന പ്രത്യേതവ്യോ ബ്രൂതേ യശ്ചാനൃതം ശശ്വത് 46
- കുത്രാനൃതേƒ പ്യപാപാം യച്ചോക്തം ധർമരക്ഷാർഥം
- കോ ധർമോƒ ഭിമതോ യഃ ശിഷ്ടാനാം നിജകുലീനാനാം 47
- സാധുബലം കിം ദൈവം കഃ സാധുഃ സർവദാ തുഷ്ടഃ
- ദൈവം കിം യത്സുകൃതം കഃ സുകൃതീ ശ്ലാഘ്യതേ ച യഃ സദ്ഭിഃ 48
- ഗൃഹമേധിനശ്ച മിത്രം കിം ഭാര്യാ കോ ഗൃഹീ ച യോ യജതേ
- കോ യജ്ഞോ യഃ ശ്രുത്യാ വിഹിതഃ ശ്രേയസ്കരോ നൃണാം 49
- കസ്യ ക്രിയാ ഹി സഫലാ യഃ പുനരാചാരവാം ശിഷ്ടഃ
- കഃ ശിഷ്ടോ യോ വേദപ്രമാണവാം കോ ഹതഃ ക്രിയാഭ്രഷ്ടഃ 50
- കോ ധന്യഃ സംന്യാസീ കോ മാന്യഃ പണ്ഡിതഃ സാധുഃ
- കഃ സേവ്യോ യോ ദാതാ കോ ദാതാ യോƒ ർഥിതൃപ്തിമാതനുതേ 51
- കിം ഭാഗ്യം ദേഹവതാമാരോഗ്യം കഃ ഫലീ കൃഷികൃത്
- കസ്യ ന പാപം ജപതഃ കഃ പൂർണോ യഃ പ്രജാവാം സ്യാത് 52
- കിം ദുഷ്കരം നരാണാം യന്മനസോ നിഗ്രഹഃ സതതം
- കോ ബ്രഹ്മചര്യവാം സ്യാത്യശ്ചാസ്ഖലിതോർധ്വരേതസ്കഃ 53
- കാ ച പരദേവതോക്താ ചിച്ഛക്തിഃ കോ ജഗത്ഭർതാ
- സൂര്യഃ സർവേഷാം കോ ജീവനഹേതുഃ സ പർജന്യഃ 54
- കഃ ശുരോ യോ ഭീതത്രാതാ ത്രാതാ ച കഃ സദ്ഗുരുഃ
- കോ ഹി ജഗദ്ഗുരുരുക്തഃ ശംഭുഃ ജ്ഞാനം കുതഃ ശിവാദേവ 55
- മുക്തിം ലഭേത കസ്മാന്മുകുന്ദഭക്തേഃ മുകുന്ദഃ കഃ
- യസ്താരയേദവിദ്യാം കാ ചാവിദ്യാ യദാത്മനോƒ സ്ഫൂർതിഃ 56
- കസ്യ ന ശോകോ യഃ സ്യാദ്ക്രോധഃ കിം സുഖം തുഷ്ടിഃ
- കോ രാജാ രഞ്ചനകൃത്കശ്ച ശ്വാ നീചസേവകോ യഃ സ്യാത് 57
- കോ മായീ പരമേശഃ ക ഇന്ദ്രജാലായതേ പ്രപഞ്ചോƒ യം
- കഃ സ്വപ്നനിഭോ ജാഗ്രദ്വ്യവഹാരഃ സത്യമപി ച കിം ബ്രഹ്മ 58
- കിം മിഥ്യാ യദ്വിദ്യാനാശ്യം തുച്ഛം തു ശശവിഷാണാദി
- കാ ചാനിർവാച്യാ മായാ കിം കൽപിതം ദ്വൈതം 59
- കിം പാരമാർഥികം സ്യാദദ്വൈതം ചാജ്ഞതാ കുതോƒ നാദിഃ
- വപുഷശ്ച പോഷകം കിം പ്രാരബ്ധം ചാന്നദായി കിം ചായുഃ 60
- കോ ബ്രഹ്മണൈരുപാസ്യോ ഗായത്ര്യർകാഗ്നിഗോചരഃ ശംഭുഃ
- ഗായത്ര്യാമാദിത്യേ ചാഗ്നൗ ശംഭ ച കിം നു തത്തത്ത്വം 61
- പ്രാത്യക്ഷദേവതാ കാ മാതാ പൂജ്യോ ഗുരുശ്ച കഃ താതഃ
- കഃ സർവദേവതാത്മാ വിദ്യാകർമാന്വിതോ വിപ്രഃ 62
- കശ്ച കുലക്ഷയഹേതുഃ സന്താപഃ സജ്ജനേഷു യോƒ കാരി
- കേഷാമമോഘ വചനം യേ ച പുനഃ സത്യമൗനശമശീലാഃ 63
- കിം ജന്മ വിഷയസംഗഃ കിമുത്തരം ജന്മ പുത്രഃ സ്യാത്
- കോƒ പരിഹാര്യോ മൃത്യുഃ കുത്ര പദം വിന്യസേച്ച ദൃക്പൂതേ 64
- പാത്രം കിമന്നദാനേ ക്ഷുധിതം കോƒ ർച്യോ ഹി ഭഗവദവതാരഃ
- കശ്ച ഭഗവാന്മഹേശഃ ശഞ്കരനാരായണാത്മൈകഃ 65
- ഫലമപി ഭഗവദ്ഭക്തേഃ കിം തല്ലോകസ്വരുപസാക്ഷാത്ത്വം
- മോക്ഷശ്ച കോ ഹ്യവിദ്യാസ്തമയഃ കഃ സർവവേദഭൂഃ അഥ ച ഓം 66
- ഇത്യേഷാ കണ്ഠസ്ഥാ പ്രശ്നോത്തരരത്നമാലികാ യേഷാം
- തേ മുക്താഭരണാ ഇവ വിമലാശ്ചാഭാന്തി സത്സമാജേഷു 67