| “
|
- സകൃച്ഛ്രവണമാത്രേണ ബ്രഹ്മജ്ഞാനം യതോ ഭവേത്
- ബ്രഹ്മജ്ഞാനാവലീമാലാ സർവേഷാം മോക്ഷസിദ്ധയേ 1
- അസംഗോ ƒഹമസംഗോ ƒഹമസംഗോ ƒഹം പുനഃ പുനഃ
- സച്ചിദാനന്ദരൂപോ ƒഹമഹമേവാഹമവ്യയഃ 2
- നിത്യശുദ്ധവിമുക്തോ ƒഹം നിരാകാരോ ƒഹമവ്യയഃ
- ഭൂമാനന്ദസ്വരൂപോ ƒഹമഹമേവാഹമവ്യയഃ 3
- നിത്യോ ƒഹം നിരവദ്യോ ƒഹം നിരാകാരോ ƒഹമുച്യതേ
- പരമാനന്ദരൂപോ ƒഹമഹമേവാഹമവ്യയഃ 4
- ശുദ്ധചൈതന്യരൂപോ ƒഹമാത്മാരാമോ ƒഹമേവ ച
- അഖണ്ഡാനന്ദരൂപോ ƒഹമഹമേവാഹമവ്യയഃ 5
- പ്രത്യക്ചൈതന്യരൂപോ ƒഹം ശാന്തോ ƒഹം പ്രകൃതേഃ പരഃ
- ശാശ്വതാനന്ദരൂപോ ƒഹമഹമേവാഹമവ്യയഃ 6
- തത്ത്വാതീതഃ പരാത്മാഹം മധ്യാതീതഃ പരഃ ശിവഃ
- മായാതീതഃ പരഞ്ജ്യോതിരഹമേവാഹമവ്യയഃ 7
- നാനാരൂപവ്യതീതോ ƒഹം ചിദാകാരോ ƒഹമച്യുതഃ
- സുഖരൂപസ്വരൂപോ ƒഹമഹമേവാഹമവ്യയഃ 8
- മായാതത്കാര്യദേഹാദി മമ നാസ്ത്യേവ സർവദാ
- സ്വപ്രകാശൈകരൂപോ ƒഹമഹമേവാഹമവ്യയഃ 9
- ഗുണത്രയവ്യതീതോ ƒഹം ബ്രഹ്മാദീനാം ച സാക്ഷ്യഹം
- അനന്താനന്തരൂപോ ƒഹമഹമേവാഹമവ്യയഃ 10
- അന്തര്യാമിസ്വരൂപോ ƒഹം കൂടസ്ഥഃ സർവഗോ ƒസ്മ്യഹം
- പരമാത്മസ്വരൂപോ ƒഹമഹമേവാഹമവ്യയഃ 11
- നിഷ്കലോ ƒഹം നിഷ്ക്രിയോ ƒഹം സർവാത്മാദ്യഃ സനാതനഃ
- അപരോക്ഷസ്വരൂപോ ƒഹമഹമേവാഹമവ്യയഃ 12
- ദ്വന്ദ്വാദിസാക്ഷിരൂപോ ƒഹമചലോ ƒഹം സനാതനഃ
- സർവസാക്ഷിസ്വരൂപോ ƒഹമഹമേവാഹമവ്യയഃ 13
- പ്രജ്ഞാനഘന ഏവാഹം വിജ്ഞാനഘന ഏവ ച
- അകർതാഹമഭോക്താഹമഹമേവാഹമവ്യയഃ 14
- നിരാധാരസ്വരൂപോ ƒഹം സർവാധാരോ ƒഹമേവ ച
- ആപ്തകാമസ്വരൂപോ ƒഹമഹമേവാഹമവ്യയഃ 15
- താപത്രയവിനിർമുക്തോ ദേഹത്രയവിലക്ഷണഃ
- അവസ്ഥാത്രയസാക്ഷ്യസ്മി ചാഹമേവാഹമവ്യയഃ 16
- ദൃഗ്ദൃശ്യൗ ദ്വൗ പദാർഥൗ സ്തഃ പരസ്പരവിലക്ഷണൗ
- ദൃഗ്ബ്രഹ്മ ദൃശ്യം മായേതി സർവവേദാന്തഡിണ്ഡിമഃ 17
- അഹം സാക്ഷീതി യോ വിദ്യാദ്വിവിച്യൈവം പുനഃ പുനഃ
- സ ഏവ മുക്തഃ സോ വിദ്വാനിതി വേദാന്തഡിണ്ഡിമഃ 18
- ഘടകുഡ്യാദികം സർവം മൃത്തികാമാത്രമേവ ച
- തദ്വദ്ബ്രഹ്മ ജഗത്സർവമിതി വേദാന്തഡിണ്ഡിമഃ 19
- ബ്രഹ്മ സത്യം ജഗന്മിഥ്യാ ജീവോ ബ്രഹ്മൈവ നാപരഃ
- അനേന വേദ്യം സച്ഛാസ്ത്രമിതി വേദാന്തഡിണ്ഡിമഃ 20
- അന്തർജ്യോതിർബഹിർജ്യോതിഃ പ്രത്യഗ്ജ്യോതിഃ പരാത്പരഃ
- ജ്യോതിർജ്യോതിഃ സ്വയഞ്ജ്യോതിരാത്മജ്യോതിഃ ശിവോ ƒസ്മ്യഹം 21
|
”
|
