മനസ്സലിവിൻ മഹാദൈവമേ
| മനസ്സലിവിൻ മഹാദൈവമേ (ക്രിസ്‍തീയ ഭക്തി ഗാനങ്ങൾ) രചന: |
മനസ്സലിവിൻ മഹാദൈവമേ
കനിയേണമേ കരുണാനിധേ
മനസ്സലിവിൻ മഹാദൈവമേ
കനിയേണമേ കരുണാനിധേ
എത്രനാളായ് ഞങ്ങൾ ആർത്തിയോടെ
പ്രാർത്ഥിച്ചുണർന്നിങ്ങു കാത്തിരിപ്പൂ
ഇത്രനാളായും ഈ ലോകം കാണാ-
ത്താത്മ ശക്തി അയക്കേണമേ
മനസ്സലിവിൻ മഹാദൈവമേ …
എന്നുവരെക്കാണും ശൂന്യാവസ്ഥ
ഉയരത്തിൽ നിന്നാത്മം പകരുവോളം
അന്നുവനാന്തരം ഉദ്യാനമായിത്തീരും
ഉദ്യാനം വനമായ് എണ്ണും
മനസ്സലിവിൻ മഹാദൈവമേ …
അന്ധകാരം ഭൂമിയെ മൂടുന്നേ
അന്ത്യലക്ഷ്യങ്ങളും കണ്ടീടുന്നേ
എന്തിനീ ആലസ്യം നാമും ഉണരുക
കാന്തനെ കാണ്മതിനായ്
മനസ്സലിവിൻ മഹാദൈവമേ …