മഹാഭാരതം മൂലം/ആദിപർവം/അധ്യായം222

മഹാഭാരതം മൂലം/ആദിപർവം
രചന:വ്യാസൻ
അധ്യായം 222

1 [ജരിതാ]
     അസ്മാദ് ബിലാൻ നിഷ്പതിതം ശ്യേന ആഖും ജഹാര തം
     ക്ഷുദ്രം ഗൃഹീത്വാ പാദാഭ്യാം ഭയം ന ഭവിതാ തതഃ
2 [ഷാർൻഗകാഹ്]
     ന ഹൃതം തം വയം വിദ്മഃ ശ്യേനേനാഖും കഥം ചന
     അന്യേ ഽപി ഭവിതാരോ ഽത്ര തേഭ്യോ ഽപി ഭയം ഏവ നഃ
3 സംശയോ ഹ്യ് അഗ്നിർ ആഗച്ഛേദ് ദൃഷ്ടം വായോർ നിവർതനം
     മൃത്യുർ നോ ബിലവാസിഭ്യോ ഭവേൻ മാതർ അസംശയം
4 നിഃസംശയാത് സംശയിതോ മൃത്യുർ മാതർ വിശിഷ്യതേ
     ചര ഖേ ത്വം യഥാന്യായം പുത്രാൻ വേത്സ്യസി ശോഭനാൻ
5 [ജരിതാ]
     അഹം വൈ ശ്യേനം ആയാന്തം അദ്രാക്ഷം ബിലം അന്തികാത്
     സഞ്ചരന്തം സമാദായ ജഹാരാഖും ബിലാദ് ബലീ
6 തം പതന്തം അഖം ശ്യേനം ത്വരിതാ പൃഷ്ഠതോ ഽന്വഗാം
     ആശിഷോ ഽസ്യ പ്രയുഞ്ജാനാ ഹരതോ മൂഷകം ബിലാത്
7 യോ നോ ദ്വേഷ്ടാരം ആദായ ശ്യേനരാജപ്രധാവസി
     ഭവ ത്വം ദിവം ആസ്ഥായ നിരമിത്രോ ഹിരണ്മയഃ
8 യദാ സ ഭക്ഷിതസ് തേന ക്ഷുധിതേന പതത്രിണാ
     തദാഹം തം അനുജ്ഞാപ്യ പ്രത്യുപായാം ഗൃഹാൻ പ്രതി
9 പ്രവിശധ്വം ബിലം പുത്രാ വിശ്രബ്ധാ നാസ്തി വോ ഭയം
     ശ്യേനേന മമ പശ്യന്ത്യാ ഹൃത ആഖുർ ന സംശയഃ
10 [ഷാർൻഗകാഹ്]
    ന വിദ്മ വൈ വയം മാതർ ഹൃതം ആഖും ഇതഃ പുരാ
    അവിജ്ഞായ ന ശക്ഷ്യാമോ ബിലം ആവിശതും വയം
11 [ജരിതാ]
    അഹം ഹി തം പ്രജാനാമി ഹൃതം ശ്യേനേന മൂഷകം
    അത ഏവ ഭയം നാസ്തി ക്രിയതാം വചനം മമ
12 [ഷാർൻഗകാഹ്]
    ന ത്വം മിഥ്യോപചാരേണ മോക്ഷയേഥാ ഭയം മഹത്
    സമാകുലേഷു ജ്ഞാനേഷു ന ബുദ്ധികൃതം ഏവ തത്
13 ന ചോപകൃതം അസ്മാഭിർ ന ചാസ്മാൻ വേത്ഥ യേ വയം
    പീഡ്യമാനാ ഭരസ്യ് അസ്മാൻ കാ സതീ കേ വയം തവ
14 തരുണീ ദർശനീയാസി സമർഥാ ഭർതുർ ഏഷണേ
    അനുഗച്ഛ സ്വഭർതാരം പുത്രാൻ ആപ്സ്യസി ശോഭനാൻ
15 വയം അപ്യ് അഗ്നിം ആവിശ്യ ലോകാൻ പ്രാപ്സ്യാമഹേ ശുഭാൻ
    അഥാസ്മാൻ ന ദഹേദ് അഗ്നിർ ആയാസ് ത്വം പുനർ ഏവ നഃ
16 [വൈ]
    ഏവം ഉക്താ തതഃ ശാർമ്ഗീ പുത്രാൻ ഉത്സൃജ്യ ഖാണ്ഡവേ
    ജഗാമ ത്വരിതാ ദേശം ക്ഷേമം അഗ്നേർ അനാശ്രയം
17 തതസ് തീക്ഷ്ണാർചിർ അഭ്യാഗാജ് ജ്വലിതോ ഹവ്യവാഹനഃ
    യത്ര ശാർമ്ഗാ ബഭൂവുസ് തേ മന്ദപാലസ്യ പുത്രകാഃ
18 തേ ശാർമ്ഗാ ജ്വലനം ദൃഷ്ട്വാ ജ്വലിതം സ്വേന തേജസാ
    ജരിതാരിസ് തതോ വാചം ശ്രാവയാം ആസ പാവകം