മഹാഭാരതം മൂലം/ആദിപർവം/അധ്യായം74
| ←അധ്യായം73 | മഹാഭാരതം മൂലം/ആദിപർവം രചന: അധ്യായം 74 |
അധ്യായം75→ |
1 [ഷു]
യഃ പരേഷാം നരോ നിത്യം അതിവാദാംസ് തിതിക്ഷതി
ദേവ യാനി വിജാനീഹി തേന സർവം ഇദം ജിതം
2 യഃ സമുത്പതിതം ക്രോധം നിഗൃഹ്ണാതി ഹയം യഥാ
സ യന്തേത്യ് ഉച്യതേ സദ്ഭിർ ന യോ രശ്മിഷു ലംബതേ
3 യഃ സമുത്പതിതം ക്രോധം അക്രോധേന നിരസ്യതി
ദേവ യാനി വിജാനീഹി തേന സർവം ഇദം ജിതം
4 യഃ സമുത്പതിതം ക്രോധം ക്ഷമയേഹ നിരസ്യതി
യഥോരഗസ് ത്വചം ജീർണാം സ വൈ പുരുഷ ഉച്യതേ
5 യഃ സന്ധാരയതേ മന്യും യോ ഽതിവാദാംസ് തിതിക്ഷതി
യശ് ച തപ്തോ ന തപതി ദൃഢം സോ ഽർഥസ്യ ഭാജനം
6 യോ യജേദ് അപരിശ്രാന്തോ മാസി മാസി ശതം സമാഃ
ന ക്രുധ്യേദ് യശ് ച സർവസ്യ തയോർ അക്രോധനോ ഽധികഃ
7 യത് കുമാരാ കുമാര്യശ് ച വൈരം കുര്യുർ അചേതസഃ
ന തത് പ്രാജ്ഞോ ഽനുകുർവീത വിദുസ് തേ ന ബലാബലം
8 [ദേവ്]
വേദാഹം താത ബാലാപി ധർമാണാം യദ് ഇഹാന്തരം
അക്രോധേ ചാതിവാദേ ച വേദ ചാപി ബലാബലം
9 ശിഷ്യസ്യാശിഷ്യ വൃത്തേർ ഹി ന ക്ഷന്തവ്യം ബുഭൂഷതാ
തസ്മാത് സങ്കീർണ വൃത്തേഷു വാസോ മമ ന രോചതേ
10 പുമാംസോ യേ ഹി നിന്ദന്തി വൃത്തേനാഭിജനേന ച
ന തേഷു നിവസേത് പ്രാജ്ഞഃ ശ്രേയോ ഽർഥീ പാപബുദ്ധിഷു
11 യേ ത്വ് ഏനം അഭിജാനന്തി വൃത്തേനാഭിജനേന ച
തേഷു സാധുഷു വസ്തവ്യം സ വാസഃ ശ്രേഷ്ഠ ഉച്യതേ
12 വാഗ് ദുരുക്തം മഹാഘോരം ദുഹിതുർ വൃഷപർവണഃ
ന ഹ്യ് അതോ ദുഷ്കരതരം മന്യേ ലോകേഷ്വ് അപി ത്രിഷു
യഃ സപത്നശ്രിയം ദീപ്താം ഹീനശ്രീഃ പര്യുപാസതേ