മഹാഭാരതം മൂലം/ഉദ്യോഗപർവം/അധ്യായം167
| ←അധ്യായം166 | മഹാഭാരതം മൂലം/ഉദ്യോഗപർവം രചന: അധ്യായം167 |
അധ്യായം168→ |
1 [ഭീസ്മ]
ദ്രൗപദേയാ മഹാരാജ സർവേ പഞ്ച മഹാരഥാഃ
വൈരാടിർ ഉത്തരശ് ചൈവ രഥോ മമ മഹാൻ മതഃ
2 അഭിമന്യുർ മഹാരാജ രഥയൂഥപ യൂഥപഃ
സമഃ പാർഥേന സമരേ വാസുദേവേന വാ ഭവേത്
3 ലഘ്വ് അസ്ത്രശ് ചിത്രയോധീ ച മനസ്വീ ദൃഢവിക്രമഃ
സംസ്മരൻ വൈ പരിക്ലേശം സ്വപിതുർ വിക്രമിഷ്യതി
4 സാത്യകിർ മാധവഃ ശൂരോ രഥയൂഥപ യൂഥപഃ
ഏഷ വൃഷ്ണിപ്രവീരാണാം അമർഷീ ജിതസാധ്വസഃ
5 ഉത്തമൗജാസ് തഥാ രാജൻ രഥോ മമ മഹാൻ മതഃ
യുധാമന്യുശ് ച വിക്രാന്തോ രഥോദാരോ നരർഷഭഃ
6 ഏതേഷാം ബഹുസാഹസ്രാ രഥാ നാഗാ ഹയാസ് തഥാ
യോത്സ്യന്തേ തേ തനും ത്യക്ത്വാ കുന്തീപുത്ര പ്രിയേപ്സയാ
7 പാണ്ഡവൈഃ സഹ രാജേന്ദ്ര തവ സേനാസു ഭാരത
അഗ്നിമാരുതവദ് രാജന്ന് ആഹ്വയന്തഃ പരസ്പരം
8 അജേയൗ സമരേ വൃദ്ധൗ വിരാടദ്രുപദാവ് ഉഭൗ
മഹാരഥൗ മഹാവീര്യൗ മതൗ മേ പുരുഷർഷഭൗ
9 വയോവൃദ്ധാവ് അപി തു തൗ ക്ഷത്രധർമപരായണൗ
യതിഷ്യേതേ പരം ശക്ത്യാ സ്ഥിതൗ വീര ഗതേ പഥി
10 സംബന്ധകേന രാജേന്ദ്ര തൗ തു വീര്യബലാന്വയാത്
ആര്യ വൃത്തൗ മഹേഷ്വാസൗ സ്നേഹപാശസിതാവ് ഉഭൗ
11 കാരണം പ്രാപ്യ തു നരാഃ സർവ ഏവ മഹാഭുജാഃ
ശൂരാ വാ കാതരാ വാപി ഭവന്തി നരപുംഗവ
12 ഏകായനഗതാവ് ഏതൗ പാർഥേന ദൃഢഭക്തികൗ
ത്യക്ത്വാ പ്രാണാൻ പരം ശക്ത്യാ ഘടിതാരൗ നരാധിപ
13 പൃഥഗ് അക്ഷൗഹിണീഭ്യാം താവ് ഉഭൗ സംയതി ദാരുണൗ
സംബന്ധിഭാവം രക്ഷന്തൗ മഹത് കർമ കരിഷ്യതഃ
14 ലോകവീരൗ മഹേഷ്വാസൗ ത്യക്താത്മാനൗ ച ഭാരത
പ്രത്യയമ്പരിരക്ഷന്തൗ മഹത് കർമ കരിഷ്യതഃ