മഹാഭാരതം മൂലം/ഭീഷ്മപർവം/അധ്യായം14
| ←അധ്യായം13 | മഹാഭാരതം മൂലം/ഭീഷ്മപർവം രചന: അധ്യായം14 |
അധ്യായം15→ |
1 [വ്]
അഥ ഗാവൽഗണിർ ധീമാൻ സമരാദ് ഏത്യ സഞ്ജയഃ
പ്രത്യക്ഷദർശീ സർവസ്യ ഭൂതഭവ്യ ഭവിഷ്യവിത്
2 ധ്യായതേ ധൃതരാഷ്ട്രായ സഹസോപേത്യ ദുഃഖിതഃ
ആചഷ്ട നിഹതം ഭീഷ്മം ഭരതാനാം അമധ്യമം
3 സഞ്ജയോ ഽഹം മഹാരാജ നമസ് തേ ഭരതർഷഭ
ഹതോ ഭീഷ്മഃ ശാന്തനവോ ഭരതാനാം പിതാമഹഃ
4 കകുദം സർവയോധാനാം ധാമ സർവധനുഷ്മതാം
ശരതൽപഗതഃ സോ ഽദ്യ ശേതേ കുരുപിതാമഹഃ
5 യസ്യ വീര്യം സമാശ്രിത്യ ദ്യൂതം പുത്രസ് തവാകരോത്
സ ശേതേ നിഹതോ രാജൻ സംഖ്യേ ഭീഷ്മഃ ശിഖണ്ഡിനാ
6 യഃ സർവാൻ പൃഥിവീപാലാൻ സമവേതാൻ മഹാമൃധേ
ജിഗായൈക രഥേനൈവ കാശിപുര്യാം മഹാരഥഃ
7 ജാമദഗ്ന്യം രണേ രാമം ആയോധ്യ വസു സംഭവഃ
ന ഹതോ ജാമദഗ്ന്യേന സ ഹതോ ഽദ്യ ശിഖണ്ഡിനാ
8 മഹേന്ദ്രസദൃശഃ ശൗര്യേ സ്ഥൈര്യേ ച ഹിമവാൻ ഇവ
സമുദ്ര ഇവ ഗാംഭീര്യേ സഹിഷ്ണുത്വേ ധരാ സമഃ
9 ശരദംഷ്ട്രോ ധനുർ വക്ത്രഃ ഖഡ്ഗജിഹ്വോ ദുരാസദഃ
നരസിംഹഃ പിതാ തേ ഽദ്യ പാഞ്ചാല്യേന നിപാതിതഃ
10 പാണ്ഡവാനാം മഹത് സൈന്യം യം ദൃഷ്ട്വോദ്യന്തം ആഹവേ
പ്രവേപത ഭയോദ്വിഗ്നം സിംഹം ദൃഷ്ട്വേവ ഗോഗണഃ
11 പരിരക്ഷ്യ സ സേനാം തേ ദശരാത്രം അനീകഹാ
ജഗാമാസ്തം ഇവാദിത്യഃ കൃത്വാ കർമ സുദുഷ്കരം
12 യഃ സ ശക്ര ഇവാക്ഷോഭ്യോ വർഷൻ ബാണാൻ സഹസ്രശഃ
ജഘാന യുധി യോധാനാം അർബുദം ദശഭിർ ദിനൈഃ
13 സ ശേതേ നിഷ്ടനൻ ഭൂമൗ വാതരുഗ്ണ ഇവ ദ്രുമഃ
തവ ദുർമന്ത്രിതേ രാജൻ യഥാ നാർഹഃ സ ഭാരത