മഹാഭാരതം മൂലം/വനപർവം/അധ്യായം208
< മഹാഭാരതം മൂലം | വനപർവം
| ←അധ്യായം207 | മഹാഭാരതം മൂലം/വനപർവം രചന: അധ്യായം208 |
അധ്യായം209→ |
1 [മാർക്]
ബ്രഹ്മണോ യസ് തൃതീയസ് തു പുത്രഃ കുരുകുലോദ്വഹ
തസ്യാപവ സുതാ ഭാര്യാ പ്രജാസ് തസ്യാപി മേ ശൃണു
2 ബൃഹജ്ജ്യോതിർ ബൃഹത്കീർതിർ ബൃഹദ്ബ്രഹ്മാ ബൃഹന്മനാഃ
ബൃഹന്മന്ത്രോ ബൃഹദ്ഭാസസ് തഥാ രാജൻ ബൃഹസ്പതിഃ
3 പ്രജാസു താസു സർവാസു രൂപേണാപ്രതിമാഭവത്
ദേവീ ഭാനുമതീ നാമ പ്രഥമാംഗിരസഃ സുതാ
4 ഭൂതാനാം ഏവ സർവേഷാം യസ്യാം രാഗസ് തദാഭവത്
രാഗാദ് രാഗേതി യാം ആഹുർ ദ്വിതീയാംഗിരസഃ സുതാ
5 യാം കപർദി സുതാം ആഹുർ ദൃശ്യാദൃശ്യേതി ദേഹിനഃ
തനുത്വാത് സാ സിനീവാലീ തൃതീയാംഗിരസഃ സുതാ
6 പശ്യത്യ് അർചിഷ്മതീ ഭാഭിർ ഹവിർ ഭിശ് ച ഹവിഷ്മതീ
ഷഷ്ഠം അംഗിരസഃ കന്യാം പുണ്യാം ആഹുർ ഹവിഷ്മതീം
7 മഹാമഖേഷ്വ് ആംഗിരഷീ ദീപ്തിമത്സു മഹാമതീ
മഹാമതീതി വിഖ്യാതാ സപ്തമീ കഥ്യതേ സുതാ
8 യാം തു ദൃഷ്ട്വാ ഭഗവതീം ജനഃ കുഹുകുഹായതേ
ഏകാനംശേതി യാം ആഹുഃ കുഹൂം അംഗ്നിരസഃ സുതാം