മഹാഭാരതം മൂലം/വിരാടപർവം/അധ്യായം26
| ←അധ്യായം25 | മഹാഭാരതം മൂലം/വിരാടപർവം രചന: അധ്യായം26 |
അധ്യായം27→ |
1 [വൈ]
അഥാബ്രവീൻ മഹാവീര്യോ ദ്രോണസ് തത്ത്വാർഥ ദർശിവാൻ
ന താദൃശാ വിനശ്യന്തി നാപി യാന്തി പരാഭവം
2 ശൂരാശ് ച കൃതവിദ്യാശ് ച ബുദ്ധിമന്തോ ജിതേന്ദ്രിയാഃ
ധർമജ്ഞാശ് ച കൃതജ്ഞാശ് ച ധർമരാജം അനുവ്രതാഃ
3 നീതിധർമാർഥതത്ത്വജ്ഞം പിതൃവച് ച സമാഹിതം
ധർമേ സ്ഥിതം സത്യധൃതിം ജ്യേഷ്ഠം ജ്യേഷ്ഠാപചായിനം
4 അനുവ്രതാ മഹാത്മാനം ഭ്രാതരം ഭ്രാതരോ നൃപ
അജാതശത്രും ഹ്രീമന്തം തം ച ഭ്രാതൄൻ അനുവ്രതം
5 തേഷാം തഥാവിധേയാനാം നിഭൃതാനാം മഹാത്മനാം
കിമർഥം നീതിമാൻ പാർഥഃ ശ്രേയോ നൈഷാം കരിഷ്യതി
6 തസ്മാദ് യത്നാത് പ്രതീക്ഷന്തേ കാലസ്യോദയം ആഗതം
ന ഹി തേ നാശം ഋച്ഛേയുർ ഇതി പശ്യാമ്യ് അഹം ധിയാ
7 സാമ്പ്രതം ചൈവ യത് കാര്യം തച് ച ക്ഷിപ്രം അകാലികം
ക്രിയതാം സാധു സഞ്ചിന്ത്യ വാസശ് ചൈഷാം പ്രചിന്ത്യതാം
8 യഥാവത് പാണ്ഡുപുത്രാണാം സർവാർഥേഷു ധൃതാത്മനാം
ദുർജ്ഞേയാഃ ഖലു ശൂരാസ് തേ അപാപാസ് തപസാ വൃതാഃ
9 ശുദ്ധാത്മാ ഗുണവാൻ പാർഥഃ സത്യവാൻ നീതിമാഞ് ശുചിഃ
തേജോരാശിർ അസംഖ്യേയോ ഗൃഹ്ണീയാദ് അപി ചക്ഷുർ ഈ
10 വിജ്ഞായ ക്രിയതാം തസ്മാദ് ഭൂയശ് ച മൃഗയാമഹേ
ബ്രാഹ്മണൈശ് ചാരകൈഃ സിദ്ധൈർ യേ ചാന്യേ തദ്വിദോ ജനാഃ