മഹാഭാരതം മൂലം/സഭാപർവം/അധ്യായം58

മഹാഭാരതം മൂലം/സഭാപർവം
രചന:വ്യാസൻ
അധ്യായം58

1 [ഷ്]
     ബഹു വിത്തം പരാജൈഷീഃ പാണ്ഡവാനാം യുധിഷ്ഠിര
     ആചക്ഷ്വ വിത്തം കൗന്തേയ യദി തേ ഽസ്ത്യ് അപരാജിതം
2 [യ്]
     മമ വിത്തം അസംഖ്യേയം യദ് അഹം വേദ സൗബല
     അഥ ത്വം ശകുനേ കസ്മാദ് വിത്തം സമനുപൃച്ഛസി
3 അയുതം പ്രയുതം ചൈവ ഖർവം പദ്മം തഥാർബുദം
     ശംഖം ചൈവ നിഖർവം ച സമുദ്രം ചാത്ര പണ്യതാം
     ഏതൻ മമ ധനം രാജംസ് തേന ദീവ്യാമ്യ് അഹം ത്വയാ
4 [വ്]
     ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
     ജിതം ഇത്യ് ഏവ ശകുനിർ യുധിഷ്ഠിരം അഭാഷത
5 [യ്]
     ഗവാശ്വം ബഹുധേനൂകം അസംഖ്യേയം അജാവികം
     യത് കിം ചിദ് അനുവർണാനാം പ്രാക് സിന്ധോർ അപി സൗബല
     ഏതൻ മമ ധനം രാജംസ് തേന ദീവ്യാമ്യ് അഹം ത്വയാ
6 [വ്]
     ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
     ജിതം ഇത്യ് ഏവ ശകുനിർ യുധിഷ്ഠിരം അഭാഷത
7 [യ്]
     പുരം ജനപദോ ഭൂമിർ അബ്രാഹ്മണ ധനൈഃ സഹ
     അബ്രാഹ്മണാശ് ച പുരുഷാ രാജഞ് ശിഷ്ടം ധനം മമ
     ഏതദ് രാജൻ ധനം മഹ്യം തേന ദീവ്യാമ്യ് അഹം ത്വയാ
8 [വ്]
     ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
     ജിതം ഇത്യ് ഏവ ശകുനിർ യുധിഷ്ഠിരം അഭാഷത
9 [യ്]
     രാജപുത്രാ ഇമേ രാജഞ് ശോഭന്തേ യേന ഭൂഷിതാഃ
     കുണ്ഡലാനി ച നിഷ്കാശ് ച സർവം ചാംഗവിഭൂഷണം
     ഏതം മമ ധനം രാജംസ് തേന ദീവ്യാമ്യ് അഹം ത്വയാ
10 [വ്]
    ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
    ജിതം ഇത്യ് ഏവ ശകുനിർ യുധിഷ്ഠിരം അഭാഷത
11 [യ്]
    ശ്യാമോ യുവാ ലോഹിതാക്ഷഃ സിംഹസ്കന്ധോ മഹാഭുജഃ
    നകുലോ ഗ്ലഹ ഏകോ മേ യച് ചൈതത് സ്വഗതം ധനം
12 [ഷ്]
    പ്രിയസ് തേ നകുലോ രാജൻ രാജപുത്രോ യുധിഷ്ഠിര
    അസ്മാകം ധനതാം പ്രാപ്തോ ഭൂയസ് ത്വം കേന ദീവ്യസി
13 [വ്]
    ഏവം ഉക്ത്വാ തു ശകുനിസ് താൻ അക്ഷാൻ പ്രത്യപദ്യത
    ജിതം ഇത്യ് ഏവ ശകുനിർ യുധിഷ്ഠിരം അഭാഷത
14 [യ്]
    അയം ധർമാൻ സഹദേവോ ഽനുശാസ്തി; ലോകേ ഹ്യ് അസ്മിൻ പണ്ഡിതാഖ്യാം ഗതശ് ച
    അനർഹതാ രാജപുത്രേണ തേന; ത്വയാ ദീവ്യാമ്യ് അപ്രിയവത് പ്രിയേണ
15 [വ്]
    ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
    ജിതം ഇത്യ് ഏവ ശകുനിർ യുധിഷ്ഠിരം അഭാഷത
16 [ഷ്]
    മാദ്രീപുത്രൗ പ്രിയൗ രാജംസ് തവേമൗ വിജിതൗ മയാ
    ഗരീയാംസൗ തു തേ മന്യേ ഭീമസേനധനഞ്ജയൗ
17 [യ്]
    അധർമം ചരസേ നൂനം യോ നാവേക്ഷസി വൈ നയം
    യോ നഃ സുമനസാം മൂഢ വിഭേദം കർതും ഇച്ഛസി
18 [ഷ്]
    ഗർതേ മത്തഃ പ്രപതതി പ്രമത്തഃ സ്ഥാണും ഋച്ഛതി
    ജ്യേഷ്ഠോ രാജൻ വരിഷ്ഠോ ഽസി നമസ് തേ ഭരതർഷഭ
19 സ്വപ്നേ ന താനി പശ്യന്തി ജാഗ്രതോ വാ യുധിഷ്ഠിര
    കിതവാ യാനി ദീവ്യന്തഃ പ്രലപന്ത്യ് ഉത്കടാ ഇവ
20 [യ്]
    യോ നഃ സംഖ്യേ നൗർ ഇവ പാരനേതാ; ജേതാ രിപൂണാം രാജപുത്രസ് തരസ്വീ
    അനർഹതാ ലോകവീരേണ തേന; ദീവ്യാമ്യ് അഹം ശകുനേ ഫൽഗുനേന
21 [വ്]
    ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
    ജിതം ഇത്യ് ഏവ ശകുനിർ യുധിഷ്ഠിരം അഭാഷത
22 [ഷ്]
    അയം മയാ പാണ്ഡവാനാം ധനുർധരഃ; പരാജിതഃ പാണ്ഡവഃ സവ്യസാചീ
    ഭീമേന രാജൻ ദയിതേന ദീവ്യ; യത് കൈവവ്യം പാണ്ഡവ തേ ഽവശിഷ്ടം
23 [യ്]
    യോ നോ നേതാ യോ യുധാം നഃ പ്രണേതാ; യഥാ വജ്രീ ദാനവ ശത്രുർ ഏകഃ
    തിര്യക് പ്രേക്ഷീ സംഹതഭ്രൂർ മഹാത്മാ; സിംഹസ്കന്ധോ യശ് ച സദാത്യമർഷീ
24 ബലേന തുല്യോ യസ്യ പുമാൻ ന വിദ്യതേ; ഗദാ ഭൃതാം അഗ്ര്യ ഇഹാരി മർദനഃ
    അനർഹതാ രാജപുത്രേണ തേന; ദീവ്യാമ്യ് അഹം ഭീമസേനേന രാജൻ
25 [വ്]
    ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
    ജിതം ഇത്യ് ഏവ ശകുനിർ യുധിഷ്ഠിരം അഭാഷത
26 [ഷ്]
    ബഹു വിത്തം പരാജൈഷീർ ഭ്രാതൄംശ് ച സഹയദ്വിപാൻ
    ആചക്ഷ്വ വിത്തം കൗന്തേയ യദി തേ ഽസ്ത്യ് അപരാജിതം
27 [യ്]
    അഹം വിശിഷ്ടഃ സർവേഷാം ഭ്രാതൄണാം ദയിതസ് തഥാ
    കുര്യാമസ് തേ ജിതാഃ കർമ സ്വയം ആത്മന്യ് ഉപപ്ലവേ
28 [വ്]
    ഏതച് ഛ്രുത്വാ വ്യവസിതോ നികൃതിം സമുപാശ്രിതഃ
    ജിതം ഇത്യ് ഏവ ശകുനിർ യുധിഷ്ഠിരം അഭാഷത
29 [ഷ്]
    ഏതത് പാപിഷ്ഠം അകരോർ യദ് ആത്മാനം പരാജിതഃ
    ശിഷ്ടേ സതി ധനേ രാജൻ പാപ ആത്മപരാജയഃ
30 [വ്]
    ഏവം ഉക്ത്വാ മതാക്ഷസ് താൻ ഗ്ലഹേ സർവാൻ അവസ്ഥിതാൻ
    പരാജയൽ ലോകവീരാൻ ആക്ഷേപേണ പൃഥക് പൃഥക്
31 [ഷ്]
    അസ്തി വൈ തേ പ്രിയാ ദേവീ ഗ്ലഹ ഏകോ ഽപരാജിതഃ
    പണസ്വ കൃഷ്ണാം പാഞ്ചാലീം തയാത്മാനം പുനർ ജയ
32 [യ്]
    നൈവ ഹ്രസ്വാ ന മഹതീ നാതികൃഷ്ണാ ന രോഹിണീ
    സരാഗ രക്തനേത്രാ ച തയാ ദീവ്യാമ്യ് അഹം ത്വയാ
33 ശാരദോത്പല പത്രാക്ഷ്യാ ശാരദോത്പല ഗന്ധയാ
    ശാരദോത്പല സേവിന്യാ രൂപേണ ശ്രീസമാനയാ
34 തഥൈവ സ്യാദ് ആനൃശംസ്യാത് തഥാ സ്യാദ് രൂപസമ്പദാ
    തഥാ സ്യാച് ഛീല സമ്പത്ത്യാ യാം ഇച്ഛേത് പുരുഷഃ സ്ത്രിയം
35 ചരമം സംവിശതി യാ പ്രഥമം പ്രതിബുധ്യതേ
    ആ ഗോപാലാവി പാലേഭ്യഃ സർവം വേദ കൃതാകൃതം
36 ആഭാതി പദ്മവദ് വക്ത്രം സസ്വേദം മല്ലികേവ ച
    വേദീമധ്യാ ദീർഘകേശീ താമ്രാക്ഷീ നാതിരോമശാ
37 തയൈവം വിധയാ രാജൻ പാഞ്ചാല്യാഹം സുമധ്യയാ
    ഗ്ലഹം ദീവ്യാമി ചാർവ് അംഗ്യാ ദ്രൗപദ്യാ ഹന്ത സൗബല
38 [വ്]
    ഏവം ഉക്തേ തു വചനേ ധർമരാജേന ഭാരത
    ധിഗ് ധിഗ് ഇത്യ് ഏവ വൃദ്ധാനാം സഭ്യാനാം നിഃസൃതാ ഗിരഃ
39 ചുക്ഷുഭേ സാ സഭാ രാജൻ രാജ്ഞാം സഞ്ജജ്ഞിരേ കഥാഃ
    ഭീഷ്മദ്രോണകൃപാദീനാം സ്വേദശ് ച സമജായത
40 ശിരോ ഗൃഹീത്വാ വിദുരോ ഗതസത്ത്വ ഇവാഭവത്
    ആസ്തേ ധ്യായന്ന് അധോ വക്ത്രോ നിഃശ്വസൻ പന്നഗോ യഥാ
41 ധൃതരാഷ്ട്രസ് തു സംഹൃഷ്ടഃ പര്യപൃച്ഛത് പുനഃ പുനഃ
    കിം ജിതം കിം ജിതം ഇതി ഹ്യ് ആകാരം നാഭ്യലക്ഷത
42 ജഹർഷ കർണോ ഽതിഭൃശം സഹ ദുഃശാസനാദിഭിഃ
    ഇതരേഷാം തു സഭ്യാനാം നേത്രേഭ്യഃ പ്രാപതജ് ജലം
43 സൗബലസ് ത്വ് അവിചാര്യൈവ ജിതകാശീ മദോത്കടഃ
    ജിതം ഇത്യ് ഏവ താൻ അക്ഷാൻ പുനർ ഏവാന്വപദ്യത