മഹാഭാരതം മൂലം/ആദിപർവം/അധ്യായം22
< മഹാഭാരതം മൂലം | ആദിപർവം
| ←അധ്യായം21 | മഹാഭാരതം മൂലം/ആദിപർവം രചന: അധ്യായം 22 |
അധ്യായം23→ |
1 [സൂ]
ഏവം സ്തുതസ് തദാ കദ്ര്വാ ഭഗവാൻ ഹരിവാഹനഃ
നീലജീമൂതസംഘാതൈർ വ്യോമ സർവം സമാവൃണോത്
2 തേ മേഘാ മുമുചുസ് തോയം പ്രഭൂതം വിദ്യുദ് ഉജ്ജ്വലാഃ
പരസ്പരം ഇവാത്യർഥം ഗർജന്തഃ സതതം ദിവി
3 സംഘാതിതം ഇവാകാശം ജലദൈഃ സുമഹാദ്ഭുതൈഃ
സൃജദ്ഭിർ അതുലം തോയം അജസ്രം സുമഹാരവൈഃ
4 സമ്പ്രനൃത്തം ഇവാകാശം ധാരോർമിഭിർ അനേകശഃ
മേഘസ്തനിത നിർഘോഷം അംബരം സമപദ്യത
5 നാഗാനാം ഉത്തമോ ഹർശസ് തദാ വർഷതി വാസവേ
ആപൂര്യത മഹീ ചാപി സലിലേന സമന്തതഃ