മഹാഭാരതം മൂലം/ആദിപർവം/അധ്യായം24
| ←അധ്യായം23 | മഹാഭാരതം മൂലം/ആദിപർവം രചന: അധ്യായം 24 |
അധ്യായം25→ |
1 [സൂ]
ഇത്യ് ഉക്തോ ഗരുഡഃ സർപൈർ തതോ മാതരം അബ്രവീത്
ഗച്ഛാമ്യ് അമൃതം ആഹർതും ഭക്ഷ്യം ഇച്ഛാമി വേദിതും
2 [വി]
സമുദ്രകുക്ഷാവ് ഏകാന്തേ നിഷാദാലയം ഉത്തമം
സഹസ്രാണാം അനേകാനാം താൻ ഭുക്ത്വാമൃതം ആനയ
3 ന തു തേ ബ്രാഹ്മണം ഹന്തും കാര്യാ ബുദ്ധിഃ കദാ ചന
അവധ്യസർവഭൂതാനാം ബ്രാഹ്മണോ ഹ്യ് അനലോപമഃ
4 അഗ്നിർ അർകോ വിഷം ശസ്ത്രം വിപ്രോ ഭവതി കോപിതഃ
ഭൂതാനാം അഗ്രഭുഗ് വിപ്രോ വർണശ്രേഷ്ഠഃ പിതാ ഗുരുഃ
5 [ഗ]
യഥാഹം അഭിജാനീയാം ബ്രാഹ്മണം ലക്ഷണൈഃ ശുഭൈഃ
തൻ മേ കാരണതോ മാതഃ പൃച്ഛതോ വക്തും അർഹസി
6 [വി]
യസ് തേ കണ്ഠം അനുപ്രാപ്തോ നിഗീർണം ബഡിശം യഥാ
ദഹേദ് അംഗാരവത് പുത്ര തം വിദ്യാദ് ബാഹ്മണർഷഭം
7 [സൂ]
പ്രോവാച ചൈനം വിനതാ പുത്രഹാർദാദ് ഇദം വചഃ
ജാനന്ത്യ് അപ്യ് അതുലം വീര്യം ആശീർവാദസമന്വിതം
8 പക്ഷൗ തേ മാരുതഃ പാതു ചന്ദ്രഃ പൃഷ്ഠം തു പുത്രക
ശിരസ് തു പാതു തേ വഹ്നിർ ഭാസ്കരഃ സർവം ഏവ തു
9 അഹം ച തേ സദാ പുത്ര ശാന്തി സ്വസ്തി പരായണാ
അരിഷ്ടം വ്രജ പന്ഥാനം വത്സ കാര്യാർഥസിദ്ധയേ
10 തതഃ സ മാതുർ വചനം നിശമ്യ; വിതത്യ പക്ഷൗ നഭ ഉത്പപാത
തതോ നിഷാദാൻ ബലവാൻ ഉപാഗമദ്; ബുഭുക്ഷിതഃ കാല ഇവാന്തകോ മഹാൻ
11 സ താൻ നിഷാദാൻ ഉപസംഹരംസ് തദാ; രജഃ സമുദ്ധൂയ നഭഃസ്പൃശം മഹത്
സമുദ്രകുക്ഷൗ ച വിശോഷയൻ പയഃ; സമീപഗാൻ ഭൂമിധരാൻ വിചാലയൻ
12 തതഃ സചക്രേ മഹദ് ആനനം തദാ; നിഷാദമാർഗം പ്രതിരുധ്യ പക്ഷിരാട്
തതോ നിഷാദാസ് ത്വരിതാഃ പ്രവവ്രജുർ; യതോ മുഖം തസ്യ ഭുജംഗഭോജിതഃ
13 തദ് ആനനം വിവൃതം അതിപ്രമാണവത്; സമഭ്യയുർ ഗഗനം ഇവാർദിതാഃ ഖഗാഃ
സഹസ്രശഃ പവനരജോ ഽഭ്രമോഹിതാ; മഹാനില പ്രചലിത പാദപേ വനേ
14 തതഃ ഖഗോ വദനം അമിത്രതാപനഃ; സമാഹരത് പരിചപലോ മഹാബലഃ
നിഷൂദയൻ ബഹുവിധ മത്സ്യഭക്ഷിണോ; ബുഭുക്ഷിതോ ഗഗനചരേശ്വരസ് തദാ