മഹാഭാരതം മൂലം/ഭീഷ്മപർവം/അധ്യായം11
| ←അധ്യായം10 | മഹാഭാരതം മൂലം/ഭീഷ്മപർവം രചന: അധ്യായം11 |
അധ്യായം12→ |
1 [ധൃ]
ഭാരതസ്യാസ്യ വർഷസ്യ തഥാ ഹൈമവതസ്യ ച
പ്രമാണം ആയുഷഃ സൂത ഫലം ചാപി ശുഭാശുഭം
2 അനാഗതം അതിക്രാന്തം വർതമാനം ച സഞ്ജയ
ആചക്ഷ്വ മേ വിസ്തരേണ ഹരിവർഷം തഥൈവ ച
3 [സ്]
ചത്വാരി ഭാരതേ വർഷേ യുഗാനി ഭരതർഷഭ
കൃതം ത്രേതാ ദ്വാപരം ച പുഷ്യം ച കുരുവർധന
4 പൂർവം കൃതയുഗം നാമ തതസ് ത്രേതായുഗം വിഭോ
സങ്ക്ഷേപാദ് ദ്വാപരസ്യാഥ തഥ പുഷ്യം പ്രവർതതേ
5 ചത്വാരി ച സഹസ്രാണി വർഷാണാം കുരുസത്തമ
ആയുഃ സംഖ്യാ കൃതയുഗേ സംഖ്യാതാ രാജസത്തമ
6 തത്ര ത്രീണി സഹസ്രാണി ത്രേതായാം മനുജാധിപ
ദ്വിസഹസ്രം ദ്വാപരേ തു ശതേ തിഷ്ഠതി സമ്പ്രതി
7 ന പ്രമാണ സ്ഥിതിർ ഹ്യ് അസ്തി പുഷ്യേ ഽസ്മിൻ ഭരതർഷഭ
ഗർഭസ്ഥാശ് ച മ്രിയന്തേ ഽത്ര തഥാ ജാതാ മ്രിയന്തി ച
8 മഹാബലാ മഹാസത്ത്വാഃ പ്രജാ ഗുണസമന്വിതാഃ
അജായന്ത കൃതേ രാജൻ മുനയഃ സുതപോധനാഃ
9 മഹോത്സാഹാ മഹാത്മാനോ ധാർമികാഃ സത്യവാദിനഃ
ജാതാഃ കൃതയുഗേ രാജൻ ധനിനഃ പ്രിയദർശനാഃ
10 ആയുഷ്മന്തോ മഹാവീരാ ധനുർധര വരാ യുധി
ജായന്തേ ക്ഷത്രിയാഃ ശൂരാസ് ത്രേതായാം ചക്രവർതിനഃ
11 സർവവർണാ മഹാരാജ ജായന്തേ ദ്വാപരേ സതി
മഹോത്സാഹാ മഹാവീര്യാഃ പരസ്പരവധൈഷിണഃ
12 തേജസാൽപേന സംയുക്താഃ ക്രോധനാഃ പുരുഷാ നൃപ
ലുബ്ധാശ് ചാനൃതകാശ് ചൈവ പുഷ്യേ ജായന്തി ഭാരത
13 ഈർഷ്യാ മാനസ് തഥാ ക്രോധോ മായാസൂയാ തഥൈവ ച
പുഷ്യേ ഭവന്തി മർത്യാനാം രാഗോ ലോഭശ് ച ഭാരത
14 സങ്ക്ഷേപോ വർതതേ രാജൻ ദ്വാപരേ ഽസ്മിൻ നരാധിപ
ഗുണോത്തരം ഹൈമവതം ഹരിവർഷം തതഃ പരം