മഹാഭാരതം മൂലം/വനപർവം/അധ്യായം250
| ←അധ്യായം249 | മഹാഭാരതം മൂലം/വനപർവം രചന: അധ്യായം250 |
അധ്യായം251→ |
1 [വൈ]
അഥാബ്രവീദ് ദ്രൗപദീ രാജപുത്രീ; പൃഷ്ടാ ശിബീനാം പ്രവരേണ തേൻ അ
അവേക്ഷ്യ മന്ദം പ്രവിമുച്യ ശാഖാം; സംഗൃഹ്ണതീ കൗശികം ഉത്തരീയം
2 ബുദ്ധ്യാഭിജാനാമി നരേന്ദ്രപുത്ര; ന മാദൃശീ ത്വാം അഭിഭാഷ്ടും അർഹാ
ന ത്വേഹ വക്താസ്തി തവേഹ വാക്യം; അന്യോ നരോ വാപ്യ് അഥ വാപി നാരീ
3 ഏകാ ഹ്യ് അഹം സമ്പ്രതി തേന വാചം; ദദ്ദാനി വൈ ഭദ്ര നിബോധ ചേദം
അഹം ഹ്യ് അരണ്യേ കഥം ഏകം ഏകാ; ത്വാം ആലപേയം നിരതാ സ്വധർമേ
4 ജാനാമി ച ത്വാം സുരഥസ്യ പുത്രം; യം കോടികാശ്യേതി വിദുർ മനുഷ്യാഃ
തസ്മാദ് അഹം ശൈബ്യ തഥൈവ തുഭ്യം; ആഖ്യാമി ബന്ധൂൻ പ്രതി തൻ നിബോധ
5 അപത്യം അസ്മി ദ്രുപദസ്യ രാജ്ഞഃ; കൃഷ്ണേതി മാം ശൈബ്യ ദിവുർ മനുഷ്യാഃ
സാഹം വൃണേ പഞ്ചജനാൻ പതിത്വേ; യേ ഖാണ്ഡവ പ്രസ്ഥഗതാഃ ശ്രുതാസ് തേ
6 യുധിഷ്ഠിരോ ഭീമസേനാർജുനൗ ച; മാദ്ര്യാശ് ച പുത്രൗ പുരുഷപ്രവീരൗ
തേ മാം നിവേശ്യേഹ ദിശശ് ചതസ്രോ; വിഭജ്യ പാർഥാ മൃഗയാം പ്രയാതാഃ
7 പ്രാചീം രാജാ ദക്ഷിണാം ഭീമസേനോ; ജയഃ പ്രതീചീം യമജാവ് ഉദീചീം
മന്യേ തു തേഷാം രഥസത്തമാനാം; കാലോ ഽഭിതഃ പ്രാപ്ത ഇഹോപയാതും
8 സംമാനിതാ യാസ്യഥ തൈർ യഥേഷ്ടം; വിമുച്യ വാഹാൻ അവഗാഹയധ്വം
പ്രിയാതിഥിർ ധർമസുതോ മഹാത്മാ; പ്രീതോ ഭവിഷ്യത്യ് അഭിവീക്ഷ്യ യുഷ്മാൻ
9 ഏതാവദ് ഉക്ത്വാ ദ്രുപദാത്മജാ സാ; ശൈബ്യാത്മജം ചന്ദ്ര മുഖീ പ്രതീതാ
വിവേശ താം പർണകുടീം പ്രശസ്താം; സഞ്ചിന്ത്യ തേഷാം അതിഥിസ്വധർമം