മഹാഭാരതം മൂലം/വിരാടപർവം/അധ്യായം54

മഹാഭാരതം മൂലം/വിരാടപർവം
രചന:വ്യാസൻ
അധ്യായം54

1 [വൈ]
     തം പാർഥഃ പ്രതിജഗ്രാഹ വായുവേഗം ഇവോദ്ധതം
     ശരജാലേന മഹതാ വർഷമാണം ഇവാംബുദം
2 തയോർ ദേവാസുരസമഃ സംനിപാതോ മഹാൻ അഭൂത്
     കിരതോഃ ശരജാലാനി വൃത്രവാസവയോർ ഇവ
3 ന സ്മ സൂര്യസ് തദാ ഭാതി ന ച വാതി സമീരണഃ
     ശരഗാഢേ കൃതേ വ്യോമ്നി ഛായാ ഭൂതേ സമന്തതഃ
4 മഹാംശ് ചട ചടാ ശബ്ദോ യോധയോർ ഹന്യമാനയോഃ
     ദഹ്യതാം ഇവ വേണൂനാം ആസീത് പരപുരഞ്ജയ
5 ഹയാൻ അസ്യാർജുനഃ സർവാൻ കൃതവാൻ അൽപജീവിതാൻ
     സ രാജൻ അൻ പ്രജാനാതി ദിശം കാം ചന മോഹിതഃ
6 തതോ ദ്രൗണിർ മഹാവീര്യഃ പാർഥസ്യ വിചരിഷ്യതഃ
     വിവരം സൂക്ഷ്മം ആലോക്യ ജ്യാം ചിച്ഛേദ ക്ഷുരേണ ഹ
     തദ് അസ്യാപൂജയൻ ദേവാഃ കർമ ദൃഷ്ട്വാതി മാനുഷം
7 തതോ ദ്രൗണിർ ധനൂംഷ്യ് അഷ്ടൗ വ്യപക്രമ്യ നരർഷഭം
     പുനർ അഭ്യാഹനത് പാർഥം ഹൃദയേ കങ്കപത്രിഭിഃ
8 തതഃ പാർഥോ മഹാബാഹുഃ പ്രഹസ്യ സ്വനവത് തദാ
     യോജയാം ആസ നവയാ മൗർവ്യാ ഗാണ്ഡീവം ഓജസാ
9 തതോ ഽർധചന്ദ്രം ആവൃത്യ തേന പാർഥഃ സമാഗമത്
     വാരണേനേവ മത്തേന മത്തോ വാരണയൂഥപഃ
10 തതഃ പ്രവവൃതേ യുദ്ധം പൃഥിവ്യാം ഏകവീരയോഃ
    രണമധ്യേ ദ്വയോർ ഏവ സുമഹൽ ലോമഹർഷണം
11 തൗ വീരൗ കുരവഃ സർവേ ദദൃശുർ വിസ്മയാന്വിതാഃ
    യുധ്യമാനൗ മഹാത്മാനൗ യൂഥപാവ് ഇവ സംഗതൗ
12 തൗ സമാജഘ്നതുർ വീരാവ് അന്യോന്യം പുരുഷർഷഭൗ
    ശരൈർ ആശീവിശാകാരൈർ ജ്വലദ് ഭിർ ഇവ പന്നഗൈഃ
13 അക്ഷയ്യാവ് ഇഷുധീ ദിവ്യൗ പാണ്ഡവസ്യ മഹാത്മനഃ
    തേന പാർഥോ രണേ ശൂരസ് തസ്ഥൗ ഗിരിർ ഇവാചലഃ
14 അശ്വത്ഥാമ്നഃ പുനർ ബാണാഃ ക്ഷിപ്രം അഭ്യസ്യതോ രണേ
    ജഗ്മുഃ പരിക്ഷയം ശീഘ്രം അഭൂത് തേനാധികോ ഽർജുനഃ
15 തതഃ കർണോ മഹച് ചാപം വികൃഷ്യാഭ്യധികം രുഷാ
    അവാക്ഷിപത് തതഃ ശബ്ദോ ഹാഹാകാരോ മഹാൻ അഭൂത്
16 തത്ര ചക്ഷുർ ദധേ പാർഥോ യത്ര വിസ്പാര്യതേ ധനുഃ
    ദദർശ തത്ര രാധേയം തസ്യ കോപോ ഽത്യവീവൃധത്
17 സരോഷവശം ആപന്നഃ കർണം ഏവ ജിഘാംസയാ
    അവൈക്ഷത വിവൃത്താഭ്യാം നേത്രാഭ്യാം കുരുപുംഗവഃ
18 തഥാ തു വിമുഖേ പാർഥേ ദ്രോണപുത്രസ്യ സായകാൻ
    ത്വരിതാഃ പുരുഷാ രാജന്ന് ഉപാജഹ്രുഃ സഹസ്രശഃ
19 ഉത്സൃജ്യ ച മഹാബാഹുർ ദ്രോണപുത്രം ധനഞ്ജയഃ
    അഭിദുദ്രാവ സഹസാ കർണം ഏവ സപത്നജിത്
20 തം അഭിദ്രുത്യ കൗന്തേയഃ ക്രോധസംരക്തലോചനഃ
    കാമയൻ ദ്വൈരഥേ യുദ്ധം ഇദം വചനം അബ്രവീത്