വിക്കിഗ്രന്ഥശാല:ഡിജിറ്റൈസേഷൻ മത്സരം 2014/it@school

നിലവിൽ വിക്കിഗ്രന്ഥശാല പ്രവർത്തനങ്ങളുമായി ബന്ധപ്പെട്ട് പല വിദ്യാർഥികൂട്ടായ്മകളും സജീവമാണ്. ഇത് കൂടുതൽ തലത്തിലേക്ക് വ്യാപിപ്പിക്കുക, സ്കൂൾ വിദ്യാർത്ഥികൾക്ക് ഭാഷാകമ്പ്യൂട്ടിങ്ങിൽ പരിജ്ഞാനം വർദ്ധിപ്പിക്കുക, പ്രാചീനമലയാള കൃതികൾ പരിചയപ്പെടാൻ അവസരെമൊരുക്കുക, പ്രാചീനകൃതികളുടെ ഡിജിറ്റലൈസേഷനിൽ അവരെ പങ്കാളികളാക്കുക, ഐടിക്ലബ്ബ് പ്രവർത്തനങ്ങൾ ഊർജ്ജിതമാക്കുക എന്നിവയാണ് ഈ പദ്ധതിയുടെ ലക്ഷ്യം. മാതൃഭാഷാസ്നേഹം വർദ്ധിപ്പിക്കുന്നതോടൊപ്പം സാമൂഹ്യക്കൂട്ടാമകളിൽ ഭാഗമാകാനും കുട്ടികൾക്ക് സാധിക്കുന്നു. പുസ്തകങ്ങളുടെ സ്കാനുകൾ സ്കൂളുകൾക്ക് നൽകുകയും, അതാത് സ്കൂളിലെ ഐറ്റി കോഡിനേറ്റർമാരുടെ മേൽനോട്ടത്തിൽ വിദ്യാർത്ഥികൾ അവ ടൈപ്പ് ചെയ്ത് , പ്രൂഫ്‌റീഡ് ചെയ്യുകയും, അതിനു് ശേഷം, മുഴുവനായും ഗ്രന്ഥശാലയിലേക്ക് കയറ്റുകയുമാണു് ചെയ്യേണ്ടത്.

ഡിജിറ്റലൈസേഷനാവശ്യമായ പുസ്തകങ്ങളുടെ സ്കാൻ ചെയ്ത കോപ്പികൾ ഐടി@സ്കൂൾ ജില്ലാ കേന്ദ്രങ്ങൾ വഴി സ്കൂളുകൾക്ക് വിതരണം ചെയ്യും.
സ്കൂളിലെ ഐടി ക്ലബ്ബുകളുടെ നേതൃത്വത്തിൽ, ക്ലബ്ബിലെ അംഗങ്ങളാണ് ഇവ ടൈപ്പ് ചെയ്യേണ്ടത്. (കൊല്ലപ്പരീക്ഷ അടുത്തതിനാൽ പത്താംതരക്കാരെ ഒഴിവാക്കാം)
ജി എഡിറ്റ് ടെക്സ്റ്റ് എഡിറ്ററിൽ യൂണിക്കോഡ് ഫോണ്ട് ഉപയോഗിച്ചാണ് ടൈപ്പുചെയ്യേണ്ടത്. അക്ഷരങ്ങൾക്ക് യാതൊരുവിധ ഫോർമാറ്റിംഗും വരുത്തേണ്ടതില്ല. അതുകൊണ്ടാണ് ടെക്സ്റ്റ് എഡിറ്റർ നിർദ്ദേശിക്കുന്നത്.
ടൈപ്പുചെയ്തു പൂർത്തിയാക്കിയ ഫയലിന്റെ പകർപ്പ് പരിശോധനയ്ക്കുവേണ്ടി mlwikisource@gmail.com എന്ന ഇമെയിലിലേക്ക് അയക്കണം. പ്രസ്തുത മെയിലിൽ നിന്നും മറുപടി വന്നതിനുശേഷമാണ് അവ വിക്കിഗ്രന്ഥശാലയിലേക്ക് ചേർക്കേണ്ടതു്.
പരമാവധി തെറ്റുതിരുത്തൽ വരുത്തിയിട്ടേ വിക്കിഗ്രന്ഥശാലയിലേക്ക് ചേർക്കാവൂ.
വിക്കിഗ്രന്ഥശാലയിൽ സ്കൂളിന്റെ പേരിൽ ലോഗിൻ ചെയ്ത് അധ്യാപകരുടെ നേതൃത്വത്തിൽ അപ്‌ലോഡ് ചെയ്യണം.
പദ്ധതിയെക്കുറിച്ച് ഐടി@സ്കൂൾ എക്സിക്യു‍ട്ടീവ് ഡയറക്ടറുടെ സർക്കുലർ എല്ലാ സ്കൂളുകളുടെയും ഔദ്യോഗിക ഇ-മെയിലിലേക്ക് അയച്ചിട്ടുണ്ട്.

സ്കൂൾ-തല മത്സരത്തിൽ പങ്കെടുക്കുന്ന എല്ലാ വിദ്യാർത്ഥികൾക്കും സർട്ടിഫിക്കറ്റ് നൽകുകയും, സ്കൂൾ ഐറ്റി കോഡിനേറ്റർമാർക്ക് അവരുടെ പ്രവർത്തനങ്ങളെ അംഗീകരിക്കുന്ന സർട്ടിഫിക്കറ്റ് നൽകുകയും ചെയ്യുന്നതായിരിക്കും.

കൂടുതൽ വിവരങ്ങൾക്ക് : ശ്രീജിത്ത് കൊയിലോത്ത് (വയനാട്): 9745002412, കണ്ണൻ ഷണ്മുഖം (കൊല്ലം) : 9447560350 ഹസ്സൈനാർ മങ്കട (മലപ്പുറം) 9895509098, ടോണി (കോട്ടയം): 9447202505

വിക്കിഗ്രന്ഥശാല ഡിജിറ്റൈസേഷൻ - ജില്ലാ കോഡിനേറ്റർമാർ

ക്രമ നമ്പർ	പേര്	ജില്ല
01	ആസാദ്. സി.ഡി	ആലപ്പുഴ
02	രശ്മി എം. രാജ്	ഇടുക്കി
03	സഹാനി.ആർ	തിരുവനന്തപുരം
04	ബിജു പോൾ	പാലക്കാട്
05	സുദേവ് കുമാർ. വി	പത്തനംത്തിട്ട
06	ജയരാജൻ വി.വി	കണ്ണൂർ
07	മുഹമ്മദ് അബ്ദുൾ നാസർ കിളിയായി	കോഴിക്കോട്
08	രാധാകൃഷ്ണൻ എം.വി	തൃശ്ശൂർ
09	ബാബു എൻ.കെ	കാസർഗോഡ്
10	ശബരീഷ്. കെ	മലപ്പുറം
11	ടോണി ആന്റണി	കോട്ടയം
12	ശ്രീജിത്ത് കൊയിലോത്ത്	വയനാട്
13	കണ്ണൻ ഷൺമുഖം	കൊല്ലം
14	വി.കെ. നിസാർ	എറണാകുളം
15	വി.എൻ. പ്രദീപ്	സംസ്ഥാന പ്രോജക്റ്റ് ഓഫീസ്, തിരുവനന്തപുരം