ഗീതഗോവിന്ദം/അഷ്ടപദി 23
| ←അഷ്ടപദി ഇരുപത്തിരണ്ട് | ഗീതഗോവിന്ദം രചന: അഷ്ടപദി - ഇരുപത്തിമൂന്ന് |
അഷ്ടപദി ഇരുപത്തിനാല്→ |
| ഗീതഗോവിന്ദം |
|---|
॥ ദ്വാദശഃ സർഗഃ ॥
॥ സുപ്രീതപീതാമ്ബരഃ ॥
ഗതവതി സഖീവൃന്ദേഽമന്ദത്രപാഭരനിർഭര-
സ്മരപരവശാകൂതസ്ഫീതസ്മിതസ്നപിതാധരം ।
സരസമനസം ദൃഷ്ട്വാ രാധാം മുഹുർനവപല്ലവ-
പ്രസവശയനേ നിക്ഷിപ്താക്ഷീമുവാച ഹരിഃപ്രിയാം ॥ 68 ॥
॥ ഗീതമ് 23 ॥
കിസലയശയനതലേ കുരു കാമിനി ചരണനലിനവിനിവേശമ് ।
തവ പദപൽലവവൈരിപരാഭവമിദമനുഭവതു സുവേശമ് ॥
ക്ഷണമധുനാ നാരായണമനുഗതമനുസർ രാധികേ ॥ 1 ॥
കരകമലേൻ കരോമി ചരണമഹമാഗമിതാസി വിദൂരമ് ।
ക്ഷണമുപകുരു ശയനോപരി മാമിവ നൂപുരമനുഗതിശൂരമ് ॥ 2 ॥
വദനസുധാനിധിഗലിതമമൃതമിവ രചയ് വചനമനുകൂലമ് ।
വിരഹമിവാപനയാമി പയോധരരോധകമുരസി ദുകൂലമ് ॥ 3 ॥
പ്രിയപരിരമ്ഭണരഭസവലിതമിവ പുലകിതമതിദുരവാപമ് ।
മദുരസി കുചകലശം വിനിവേശയ് ശോഷയ് മനസിജതാപമ് ॥ 4 ॥
അധരസുധാരസമുപനയ് ഭാവിനി ജീവയ് മൃതമിവ ദാസമ് ।
ത്വയി വിനിഹിതമനസം വിരഹാനലദഗ്ധവപുഷമവിലാസമ് ॥ 5 ॥
ശശിമുഖി മുഖരയ് മണിരശനാഗുണമനുഗുണകൺഠനിദാനമ് ।
ശ്രുതിയുഗലേ പികരുതവികലേ മമ് ശമയ് ചിരാദവസാദമ് ॥ 6 ॥
മാമതിവിഫലരുഷാ വികലീകൃതമവലോകിതമധുനേദമ് ।
മീലിതലജ്ജിതമിവ നയനം തവ വിരമ് വിസൃജ് രതിഖേദമ് ॥ 7 ॥
ശ്രീജയദേവഭണിതമിദമനുപദനിഗദിതമധുരിപുമോദമ് ।
ജനയതു രസികജനേഷു മനോരമതിരസഭാവവിനോദമ് ॥ 8 ॥
മാരങ്കേ രതികേലിസംകുലരണാരംഭേ തയാ സാഹസ-
പ്രായം കാന്തജയായ കിഞ്ചിദുപരി പ്രാരമ്ഭി യത്സംഭ്രമാത് ।
നിഷ്പന്ദാ ജഘനസ്ഥലീ ശിഥിലതാ ദോർവല്ലിരുത്കമ്പിതം
വക്ഷോമീലിതമക്ഷി പൌരുഷരസഃ സ്ത്രീണാം കുതഃ സിധ്യതി ॥ 69 ॥
അഥ കാന്തം രതിക്ലാന്തമപി മണ്ഡനവാഞ്ഛയാ ।
നിജഗാദ നിരാബാധാ രാധാ സ്വാധീനഭർതൃകാ ॥ 70 ॥